La bolivia prezidento Evo Morales postulas venkon en referendumo pri tio, ĉu li devas daŭre regi la landon. Neoficialaj rezultoj donis al Sro Morales klaran gajnon, kaj li promesis daŭrigi siajn reformojn, inkluzivante la ŝtatigon de kernaj industrioj. Kvar el ses opoziciaj guberniestroj, kiuj gvidis protestojn kontraŭ la prezidento kaj kiuj postulas pli grandan memstarecon por siaj provincoj, ankaŭ gajnis la rajton resti en ofico.

La Eŭropa Unio aprobis novan embargon kontraŭ Irano proteste kontraŭ sia atoma programo. La decido celas pruntojn de kompanioj kiuj komercas kun Irano kaj tiel ebligas pli fortajn inspektojn sur ŝarĝoŝipoj al Irano. Irano malakceptas asertojn, ke ĝi volas produkti atomajn armilojn, kaj lastatempe kondamnis la novan embargon kiel kontraŭleĝan decidon.

KARTVELIO - 9-an de aŭgusto, 2008.

Kartvelio diras, ke siaj trupoj ĉirkaŭas la ĉefurbon de la separatisma Suda Osetio samtempe kiam Rusio avertas ke agreso rezultigos rebaton de Moskvo. Batalado ĉirkaŭ Tsĥinvali rekomenciĝis subite, tiel rompante batalhalton, kaj bombadoj daŭras. La kartvela prezidento Miĥail Saakaŝvili petis al rezervistoj aliĝi al ilia devo kaj akuzis Rusion pri  sendo de batalantoj kaj bombjetoj al kartvelaj urboj. Ne estas precize sciate kiom da civiluloj jam mortis pro la ambaŭflankaj atakoj, sed ŝajne la nombro jam atingas centojn. Loĝantoj de Tsĥinvali laŭ lastaj informoj ŝirmiĝas en subgrundaj etaĝoj dum masivaj eksplodoj skuas la urbon.

Thabo Mbeki, La sudafrika prezidento, vizitos Zimbabvon por renkonti la politikaj rivaloj. La vojaĝo de Sro Mbeki estas parto de liaj penoj por mediacii en intertraktadoj inter Robert Mugabe, la zimbabva prezidento, kaj Morgan Tsvangirai, gvidanto de la Movado por Demokrata Ŝanĝo (MDC).